„სერიოზულად დავფიქრდი, რომ კარებს ფეხს ვკრავდი, შევვარდებოდი და ავიღებდი საჭმელს…მაშინ რთული პერიოდი იყო”
რეჟისორი და „საზოგადოებრივი მაუწყებლის” ყოფილი დირექტორი, გია ჭანტურია გადაცემის „როგორ გადავრჩი” სტუმარია, რომლის ეთერშიც 90-იან წლებში მომხდარ ისტორიას იხსენებს:
„ძალიან რთულია საკუთარი თავის სწორ კალაპოტში შენარჩუნება. 90-იანი წლებია, მამა გავხდი და მაშინ ხშირ შემთხვევაში ხელოვნური კვება იყო. საკვები რთულად იშოვებოდა, იყვნენ გადამყიდველები, რომლებიც ბევრს ყიდულობდნენ და მერე ძვირად ყიდდნენ. მაშინ რთული პერიოდი იყო და ყველა მაღაზიას გისოსები ჰქონდა, მივედი ერთ ადგილზე, ვაკაკუნე, არავინ იყო შიგნით.
მოვბრუნდი უკან, შევიჭყიტე და ვხედავ რომ თაროზე დევს, ვიფიქრე, მოდი ახლა ფეხს ვკრავ ამ კარს, შევვარდები, ავიღებ და წავალ. მთავარი იყო სახლში საჭმელი მიმეტანა. არასოდეს მსგავსი საქციელი არ ჩამიდენია, მაგრამ რადგან ამ პრობლემის წინაშე დავდექი, ვიფიქრე მოდი ამას ვიზამ. ამ დროს ვიღაც ქალბატონმა მკითხა: დაკეტილიაო? დიახ, მეთქი.