“ვმუშაობდი მაღაზიაში სალაროსთან პლაჟზე დაცვაში კლასებს ვატარებდი როგორც მწვრთნელი – ილია თოფურიას წარმატების გზა (ვიდეო)

UFC-ს პირველმა ქართველმა ჩემპიონმა, ილია თოფურიამ ტელეკომპანია „იმედის“ გადაცემაში – „იმედის კვირა“, საკუთარ ცხოვრებასა და იმ გზაზე ისაუბრა, რომელიც წარმატების მისაღწევად გაიარა.

როგორც ჩემპიონმა აღნიშნა, „ვისაც რაიმეს გაკეთება გულით უნდა, მას ამის გაკეთება შეუძლია კიდეც“.

“პლაჟზე ვმუშაობდი, ყოველ დილით, მე და ჩემი ძმა შეზლონგებს ვაწყობდით და შემდეგ, საღამოს ვკრეფდით. კლასებს ვატარებდი, როგორც მწვრთნელი, მაღაზიაში, სალაროსთან ვმუშაობდი, კვირაობით კი დაცვაში ვმუშაობდი.

ამ ყველაფერს ვაკეთებდი იმისთვის, რომ თანხა მომეგროვებინა, საკუთარი თავი დამესპონსორებინა და მქონოდა საშუალება, რომ შეჯიბრებზე წავსლიყავი. ვისაც უნდა, მას შეუძლია კიდეც“, – აღნიშნა ილია თოფურიამ.