“მძულს ჩემი დაბადების დღე, 13 ივნისი“ – ტრაგიკულად დაღუპულ მარიამ ქუთელიას და იხსენებს

მისი ოჯახისთვის და განსაკუთრებით მარიამის ერთადერთი დისთვის ეს დღე მტკივნეულია.

„28 წლის წინ მე დავიბადე. 6 წლის წინ ორ ნაწილად გავყავი ჩემი ცხოვრება. მარიამს უყვარდა ჩემი დაბადების დღე და უნდოდა, ერთხელაც ამ დღეს ლონდონში გავეშვი. საშინლად არ მომწონს, რომ 13 ივნისს მაქვს დაბადების დღე და მძულს ეს თარიღი, თუმცა ვიხსენებ იმასაც, რომ იმ დღეს 00:00-ზე ვისაუბრეთ უკანასკნელად და ჯერაც ერთ სივრცეში ვიყავით.

წლების წინ ასე მომწერა ერთმა ჩვენმა ძალიან ძვირფასმა მეგობარმა (მაპატიე, რომ უნებართვოდ ვაქვეყნებ ): „შენ სკივრი ხარ, რომელიც ვერ იქნებოდა, რომ არ გაჩენილიყო. და ერთხელ გაჩნდი. და სულ არ მეუხერხულება ალმების აფრიალება ამ დღეს. ნახევარი შენია, ნახევარი ამ სამყაროს ბნელი მხარის. ყოველთვის ყველაფერი ასე იყო გაყოფილი. გიხუტებ და გეფერები”.

ჰოდა, ასე იყოს – ჩამეხუტეთ და მომეფერეთ ველი თქვენს მოლოცვებს და კეთილ სურვილებს, მადლიერი ვიქნები. მარიამზე გულისტკივილის გაზიარებაც ნუ მოგერიდებათ. მეტად ვართ კიდეც ერთმანეთთან დაკავშირებული ამ დღეს – ალბათ, ორივენი ერთად და ურთიერთგანუყრელად გახსენდებით”,- წერს ლიკა ქუთელია.