“ეუბნებიან, რომ დედა კანფეტების საყიდლად წავიდა და მალე დაბრუნდება“ – შოვში დაკარგული სოფო ბაკურაძის 4 წლის შვილს საზოგადოების დახმარება სჭირდება

სოციალურ ქსელში სტიქიის ზონაში ამ დრომდე დაკარგული, სოფო ბაკურაძის შესახებ ემოციური ამბავი ვრცელდება. მისი 4 წლის გოგონა დედას ელოდება, რადგან მან კევი უნდა მოუტანოს.

„მეექვსე დღე დედის მოლოდინში.

სოფო ბაკურაძე სოფელი გლოლიდანაა. იგი შოვში კოტეჯებში მუშაობდა და 3 აგვისტოს სტიქიის ზონაში იმყოფებოდა. სოფო ამ დრომდე დაკარგულთა სიაშია. ოჯახი სასწაულის იმედადაა და ჯერ კიდევ ელოდება მის გამოჩენას. განსაკუთრებით კი ელოდება მისი მცირეწლოვანი შვილი, ლუსი. ელოდება დედას, რომელმაც კევი უნდა მოუტანოს…

სოფო კეთილი, თბილი, სათნო, მშრომელი და ყოჩაღი გოგო იყო. უყვარდა ყველა და გვიყვარდა ყველას. სოფო მარტოხელდა დედა იყო. ჰყავს 4 წლის გოგონა ლუსი, რომელიც მოუთმენლად ელოდება დედას. ლუსიმ პირველ დღეს ახსენა, დედა მოვა და კევს მომიტანსო. ჩვენ არც კევს მოვაკლებთ და არც სხვა რამეს, მაგრამ მშობელს ვერ შევუცვლით”, – აღნიშნულია ტექსტში.

ლუსიზე ზრუნვის სრული პასუხისმგებლობა მარტოხელა დედას ჰქონდა, სოციალური შემწეობის ამარა დარჩენილს კი, ახლა ჩვენი მხარდაჭერა სჭირდება.

ვიცით შეუძლებელია დედის მონატრებას ვუშველოთ რამე, ვერც დედის მოფერებას შეედრება ჩვენი მზრუნველობა, მაგრამ რაც სოფოს შეგვიძლია გავუკეთოთ ახლა, ლუსიზე ზრუნვაა.

“რაჭა-ლეჩხუმ ქვემო სვანეთის თვითმმართველობის რესურსცენტრი” და “რაჭის ახალგაზრდული ასამბლეა” ვიწყებთ ზრუნვას ლუსისთვის. ახლა საზოგადოების თითოეული წევრის თანადგომა ნებისმიერი ფორმით ჩვენთვის ფასეულია.

თუ მხარდაჭერა შეგიძლიათ სათამაშოებით, ტანსაცმლით ან პროდუქტებით დაგვიკავშირდით:

ანი – 599 70 04 99

ლამარა – 598 21 19 15

თანხის ჩარიცხვის მსურველებმა:

TBC #GE67TB7993945064300064

(პ/ნ 04001013163)

მიმღები – ლამარა ბოჭორიშვილი

Bank of Georgia

#GE27BG0000000565975342

(პ/ნ 04001001846)

მიმღები – ნინო (ნანა) სოხაძე

რაჭველების სახელით, კიდევ ერთხელ დიდ მადლობას გიხდით სრულიად საქართველოს თანადგომისა და თანაგრძნობისთვის ამ მძიმე დღეებში”, – აღნიშნულია პოსტში.