“500 ლარიანი პასკები იყიდება გრიალ-გრიალითო… ხო ხართ ღირსი გუდაურის 45 ლარიანი ხაჭაპური გადაგაწეპოთ სახეზე”

აღდგომის დღესასწაულის მოახლოებასთან ერთად სხვადასხვა საკონდიტროს თუ  ქსელური მაღაზიების მხრიდან პასკებზე შეთავაზებები სულ უფრო აქტიურდება. მომხმარებლების განსაკუთრებული ყურადღება „გასტრონომ ჯგუფის“ პანეტონემ მიიქცია, რომლის ღირებულება არც მეტი, არც ნაკლები, 499 ლარია.

„გამომცხობსაც და გამყიდველ მაღაზიასაც შუბლის ძარღვი ბავშვობაში დაცემისას გაუწყდათ ეტყობა და ვინც ამ პასკას იყიდის,ის ამ ორივეზე შუბლძარღვგაწყვეტილი იქნება“ – წერს სოციალურ ქსელშიი ცნობილი საოპერო მომღერალი თამარ ივერი. 

ვიღაც 500 ლარად ყიდის თბილისში პასკებს და იყიდება გრიალ-გრიალითო. ვინც მე მლანძღავდით ამასწინ, ხო ხართ ღირსი გუდაურის 45 ლარიანი ხაჭაპური გადაგაწეპოთ სახეზე – წერს ჟურნალისტი დათო ლიკლიკაძე.