თურქეთში სასტუმროში გაჩენილ ხანძარს ქართველი ემიგრანტი ემსხვერპლა
21 იანვარს, თურქეთში, სასტუმროში გაჩენილ ხანძარს ქართველი ემიგრანტი ემსხვერპლა. ინფორმაციას ამის შესახებ შოთო სიხარულიძე ავრცელებს.
„ახალგაზრდა, სიცოცხლით სავსე, 58 წლის ლაურა სულიაშვილი თურქეთში, სასტუმროში ხანძრის დროს დაიღუპა. ის ემიგრაციაში 20 წელი იმყოფებოდა. 2 შვილი დარჩა“, – ამბობს სიხარულიძე.
საგარეო საქმეთა სამინისტროში განაცხადეს, რომ ცხედარი საქართველოში უკვე ჩამოასვენეს.