“რომ დავბრუნდები აუცილებლად ჩავალთ სოხუმში” – თოვლიანი სოხუმის კადრები და ნინო კვარაცხელიას ემოციური სტატუსი

თქვენ ჩაგისუნთქავთ ,,კამკამა” სუბტროპიკული თოვლიანი ჰაერი?! გინახავთ, როგორ ეხეთქება და ერწყმის თეთრი ტალღა თეთრ თოვლიან სანაპიროს?! თეთრი თოლიები თოვლის მანტოებით?! – ამის შესახებ ამერიკაში მცხოვრები ემიგრანტი ნინო კვარაცხელია სოციალურ ქსელში წერს.

,,სოხუმში ვართ, თოვს, ისევე როგორც მთელს საქართველოშიჩვენს სიხარულს საზღვარი არ აქვს, მე და იკა (ჩემი ძმა) დავრბივართ ოთახებს შორის და ღამის სოხუმს გავყურებთ, თანაც ერთმანეთს ვეძახი, მოდი ნახე ამ ფანჯარაში რომ გაიხედავ უფრო თოვს, არა აქ უფრო, აი ნახავ დადებს დილისთვის, ხვალ სკოლიდან რომელზე გავიპაროთ” და ათას გეგმებს ვაწყობთდედა ჩვენს საყვარელ ,,პოლირობსონს” აცხობს თუთანას რეცეპტით, მამა ზის კაბინეტში და როგორც ყოველთვის წიგნს ჩაჰკირკიტებს სრული იდილიაა რიგით სოხუმურ ოჯახშიგათენდა ნანატრი დილა, თავქუდმოგლეჯილები გავრბივართ გარეთჩვეულებისამებრ მამა ამოწმებს, რამდენად თბილად, ამინდის შესაბამისად გვაცვია და თან ეღიმება -,,ნანული, როგორ ვინატრო ყოველდღე თოვლი, ესენი ასეთი მონდომებით რომ გარბოდნენ სკოლაშიო?!”მერე უცებ ჯადოსნურ სამყაროში ავღმოვჩნდებით, ქათქათა და ამავდროულად ფერადში, თქვენ იცით რა ლამაზია დათოვლილი პალმები, მაგნოლიები, კამელიები?! თქვენ ჩაგისუნთქავთ ,,კამკამა” სუბტროპიკული თოვლიანი ჰაერი?! გინახავთ, როგორ ეხეთქება და ერწყმის თეთრი ტალღა თეთრ თოვლიან სანაპიროს?! თეთრი თოლიები თოვლის მანტოებით?! ჰოდა თუ გინახავთ და შეგიგრძვნიათ , წარმოიდგენთ როგორ უნდა გავძლოთ თუნდაც ორ გაკვეთილზე ვქმუტვასიკა კლასელებთან ერთად ფუნიკულიორზე გაიპარა, მე კი სანაპიროზე, ფოტოგრაფ ხიონიდთან დიდი რიგია და დროზე უნდა მოვასწროთუნდა მოვასწროთ, სანამ დადნება ეს ერთ დღიანი მშვენიერება, გული ვიჯეროთ და დროზე დავბრუნდეთ სახლში, დედა რამე გემრიელობას დაგვახვედრებს, მამაც არ უნდა გავაბრაზოთ, ისედაც გავაცდინეთ გაკვეთილები”

ასეთ ნეტარებაში ვარ და ამ დროს ზარია, იკა მირეკავს, თბილისიდან, ვხვდები, რომ რეალობას უნდა დავუბრუნდე, ფანტაზიორობა შევწყვიტოტელეფონით მაჩვენებს როგორ თოვს სანზონაში, მე ,,ამერიკულ” თოვას ვაჩვენებ და ვფიქრობ, ნუთუ ერთდღიანი სოხუმის თოვლივით გაქრა ბევრი რამ ჩვენს ცხოვრებაში, იხტიბარს არ ვიტეხ და ვეკამათები: ნახე ჩვენთან უფრო დიდი ფიფქებია, არა ჩვენთან უფრო მშრალი თოვლიაო ამბობს იკა ჩუმად ვყლაპავ ცრემლებს, არ მინდა ვანერვიულო, ისედაც ბევრის გადატანა მოუწია უჩემოდ , მარტოს, მაგრამ რომ დავბრუნდები, აუცილებლად ჩავალთ სოხუმში და შევეჯიბრებით, სახლის რომელ მხარეს მეტად თოვს..….“, – წერს ნინო კვარაცხელია.