“მეგობრები დავკარგე, ბავშვობიდან ერთად რომ გავიზარდეთ ისინი“
ირმა სოხაძე გადაცემაში „პირველი სტუდია“ ამბობს, რომ პოლიტიკის გამო მეგობრები დაკარგა. ოცნების მხარდაჭერის გამო კი, ფსიქიკა დაუზიანდა. მომღერლის თქმით, ის ვერ გააგრძელებს ისეთ ადამიანთან ურთიერთობას, რომელიც ამბობს, რომ დღეს არაფერი ხდება…
– მეგობრები დავკარგე, მეგობრები რომ მეგონა, ჩემი თანამოაზრეები, ბავშვობიდან ერთად რომ გავიზარდეთ. ვიღაც წერს, რომ პოლიტიკის გამო როგორ შეიძლება მეგობარი დაკარგო, პოლიტიკის გამო კი არ დავკარგე, არამედ იმიტომ, რომ მატყებს და მე ვგონივარ გონებასუსტი ან თვითონ არის ასეთი და ვერ ხვდება ან კიდევ ბოროტია, ყველაფერს ხვდება და მაინც მეთამაშება. არცერთ შემთხვევაში აღარ მაინტერესებს ის ადამიანი.
შეიძლება ზედმეტად მკაცრი ვიყავი, მაგრამ ძირში ეს დევს, ამიტომ პირდაპირ ვთქვი, რომ ადამიანი, რომელიც მეუბნება, რომ დღეს არაფერი არ ხდება, ეს ყველაფერი არის მოგონილი და ყველაფერი კარგად არის, ის ან მატყუებს, ამას მირჩევნია პირდაპირ მითხრა, მე რუსეთი მინდა, რუსეთი მომწონს და შენ რა გინდა კაცო. ასეთებიც არიან ჩემს ირგვლივ.
არ გესმის კი ბატონო და თუ გესმის და კიდევ მატყუებ, სად არის რუსეთი, მაინც დასავლეთიაო…. მხარდაჭერაზე არ არის, ვეკითხები ქვეყანამ კურსი შეიცვალა? – არაო, მეუბნება და მიყურებს თვალებში. გეუბნები, ან ფიქრობს, რომ მე ვერ ვაზროვნებ, ან თვითონ ვერ აზროვნებს. როგორ ვემეგობრო, რანაირად, რის საფუძველზე. კარგი გენაცვალე ვუთხრა და წავიდეთ ერთად და ყავა დავლიოთ? – არ არის ეს მეგობრობა და არც მქონია ასეთი მეგობრობა არავისთან.
მე კი არ შევიცვალე, ადამიანები ვიცვლებით გარემოებების მიხედვით. როგორ შეიძლება მე ადამიანი მიყვარდეს, რომელსაც ვენდობი, თვალდახუჭული მივყვები, იგივე მეუღლესთან, ერთ დღეს რომ გაიგო ტერორისტია ან გცემს, ისე ხომ ვეღარ იქნები. შოკი ცალკე მოგკლავს და დანარჩენი იმედგაცრუება დაგაზიანებს. მე ფსიქიკა დამიზიანდა, იმიტომ რომ მომხრე ვიყავი ამ ხელისუფლების.