“ყველას ცხოვრებაში დგება მძიმე მომენტი, როდესაც თავს ზევით ძალა არ არის…”
მსახიობი ნინო გაჩეჩილაძე დედის გარდაცვალების შემდეგ გადასაღებ მოედანს დაუბრუნდა. მსახიობი “ინსტაგრამის” ოფიციალურ გვერდზე წერს, რომ უხალისობისა და უუნარობის გადალახვის შემდეგ, სამუშაოს დაუბრუნდა. ნინო წერს, რომ პირველივე დღეს მიხვდა, რომ სამუშაო იყო ერთადერთი რამ, რაც მდგომარეობიდან გამოიყვანდა…
ნინო გაჩეჩილაძე:
“მეგობრებო, პირველ რიგში ყველას დიდი მადლობა მინდა, გითხრათ ჩემი და ჩემი ოჯახის ტკივილის გაზიარებისთვის და გულთან ახლოს მიტანისთვის. ამას ძალიან ვაფასებ.
ყველას ცხოვრებაში დგება მძიმე მომენტი, როდესაც თავს ზევით ძალა არ არის და ამავე დროს ყველა გაწყნარებს და გეუბნება, რომ “უნდა გამაგრდე,“ რადგან ადვილი შესაძლებელია, რომ ასეთ დროს ადამიანი სამუდამოდ გატყდეს და ცხოვრების ხალისი გაუქრეს…
მაგრამ როდესაც ჩვენი რომელიმე ახლობელი მიდის, (ჩვენი განცდების მიუხედავად) ჩვენ ვრჩებით დედამიწაზე და ცხოვრებას ვაგრძელებთ. ალბათ ამ ცხოვრების სისასტიკე და დიდი ირონიაც ამაშია – რაც არ უნდა მოხდეს, ის მაინც გრძელდება… შესაბამისად, გრძელდება ჩვენი დღის წესრიგიც: მუშაობა და ყოველდღიურობა…
უხალისობის და ყველაფრის უუნარობის გადალახვის შემდეგ მეც დავუბრუნდი ჩემ სამუშაოს და პირველივე დღეს მივხვდი, რომ ეს იყო ერთადერთი რამ, რაც ამ მდგომარეობიდან გამომიყვანდა!
მინდა, კიდევ ერთხელ მადლობა ვუთხრა ჩემს პროფესიას, რომ ყველაზე დიდ გასაჭირშიც არ მტოვებს და სულ ჩემთანაა!”