“რომ გამიჭირდა, ელიავას ბაზრობაზე საბურავებს ვყიდდი…“

მსახიობი  ონისე ონიანი ჟურნალ „სარკესთან“ თავისი ცხოვრების მძიმე პერიოდს იხსენებს.

„პატარა რომ გაჩნდა, მინდოდა, რესტორანში მემუშავა ოფიციანტად. კარგი, პრესტიჟული რესტორანი იყო წყნარი სიტუაციით. ხელფასთან ერთად, ე.წ. „ჩაიც“ იქნებოდა, მაგრამ არ მიმიღეს. დღესაც არ ვიცი, რატომ დამიწუნეს, გული კი ძალიან დამწყდა. არასდროს მითაკილია არანაირი სამუშაო, წავედი და ელიავას ბაზრობაზე ვიშოვე საბურავების გამყიდველის ადგილი. ასეთი ხერხებით ვცდილობდი ოჯახის გაძღოლას…“, – ამბობს ონისე.