“ჩემი გული თავისუფალია“

მომღერალი გიორგი ლაფაჩიშვილი, რომელიც საზოგადოებამ მუსიკალური კონკურსებიდან გაიცნო გადაცემას „დღის პოსტი“ სტუმრობდა.

როგორც ირკვევა გიორგი 15 წლიდან სცენაზე დგას.

„მთავარი მოტივაცია, რომ სიმღერა დამეწყო დედამ მომცა, თუმცა დიდად გატაცებული არ ვიყავი. უფრო სპორტი მაინტერესებდა, კალათბურთს ვთამაშობდი, მაგრამ მოულოდნელად მოხდა გარდატეხა და ერთ დღეს მუსიკალურ სფეროში აღმოვჩნდი“, – ამბობს გიორგი ლაფაჩიშვილი.

რაც შეეხება სიყვარულს, ჟურნალისტის კითხვაზე პასუხად გიორგი ლაფაჩიშვილი ამბობს, რომ მისი გული თავისუფალია, თუმცა რა კრიტერიუმებით შეარჩევს მომავალ შეყვარებულს, ამ თემაზე მომღერალმა არ ისაუბრა.