“მივიღე მესიჯი, უყურებ და ფიქრობ აი, ახლა ამ გოგოს რამ ააღებინა ტელეფონი და რამ დააწერინა ეს მესიჯი” – რა შეტყობიება მიიღო ნუკი კოშკელიშვილმა

ნუკი კოშკელიშვილი “ინსტაგრამზე” წერს:

“გუშინ ვიყავი არაჩვეულებრივ ქორწილში, არაჩვეულებრივი კი იმიტომ კი არ იყო რომ კარგი საჭმელი ან სასმელი ან ძვირფასი დარბაზი იყო, არამედ იმიტომ რომ სიყვარული იგრძნობოდა, თითოეულ დეტალში იგრძნობოდა წყვილის ისტორია, იგრძნობოდა ოჯახის მხარდაჭერა. ვგიჟდები ასეთ ბედნიერ და მოსიყვარულე ხალხზე.

ამ დროს აი გაგანია სიყვარულით დატკბობაში მომდის მესიჯი პირადში, მე ყოველთვის ვცდილობ წავიკითხო მესიჯები, მესიჯს მწერს ქალბატონი და მესიჯი არის გაჟღენთილი უარყოფითი, საზიზღარი სიტყვებით. დიდი კი არაფერი, მაგრამ აი ბედნიერება რომ იგრძნობა მისი მხრიდან და დაკმაყოფილება. ჩემს გარეგნობაზე მოწერით თან ძალიან სიამაყით მისურვებს საშინელებებს. რათქმაუნდა დამაინტერესა ნეტა როგორ გამოიყურება თვითონ, გადავედი და რას ვხედავ, ანგელოზივით გოგო, მართლა!!

ახალგაზრდა, ლამაზი, კოხტა, აი ყველა ნაკვთი რომ თავის ადგილზე აქვს და ყავს სიმპატიური ქმარი, ბევრი ფოტო ერთად. კიდევ უფრო სიმპატიური და ძალიან საყვარელი ბავშვები, ორი პატარა. უყურებ და ფიქრობ აი ახლა ამ გოგოს რამ ააღებინა ტელეფონი და რამ დააწერინა ეს მესიჯი, მისთვის აბსოლიტურად უცხო ადამიანისთვის. მე კი არაფერი, არც მწყენია, მაგრამ მიკვირს.

მინდა გკითხოთ, რატომ არის ზოგი ადამიანი ასეთი? მე მაგალითად ვინმე თუ არ მომწონს, რამე თუ არ მომწონს, არ შევხედავ, არადროს თავში აზრად არ მომსვლია ვინმეს მივწერო ისიც თავში აზრად არ მომსვლია ვინმეზე რამე ვთქვა ცუდი.. რა არის ამ ადამიანების კატეგორიის მოტივაცია? სულ მგონია რომ ძალიან აწუხებთ რაღაც სცხოვრებაში, ბევრი პრობლემა აქვთ და ამას ასე ებრძვიან, ნერვებს იმშვიდებენ. თქვენ როგორ ფიქრობთ?” – წერს ნუკი კოშკელიშვილი.

ასევე იხილეთ