“სიყვარულით გოგონასგან…” – რა საჩუქარი მიიღო ბიძინა კულუმბეგოვმა

ალერგოლოგ-იმუნოლოგი ბიძინა კულუმბეგოვი სოციალურ ქსელში პაციენტისგან მიღებული საჩუქრის ფოტოებს აქვეყნებს წარწერით:

“სიყვარულით გოგონასგან ანაფილაქსიით ლატექსზე – თქვენი მაღალტექნოლოგიური “რობოტი”, – წერს კულუმბეგოვი “ფეისბუქში”

პაციენტმა, ექიმის მიმართ მადლიერება მის მიერ შექმნილ კომიქსებზე გადაიტანა.

“მადლობა, რომ დამეხმარეთ ალერგიის მოთვინიერებაში”, “იყავით ყოველთვის ასეთი უშუალო, ყურადღებიანი და მზრუნველი”, “მადლობა, ჩემთვის დათმობილი თითოეული წუთისთვის”, “არასდროს შეიცვალოთ, მეამაყება რომ გიცნობთ”, “თქვენი წყალობით დღეს ისევ ლაღი და ბედნიერი ვარ”, “მადლობა, რომ გმირულად იტანთ ჩემი შეტყობინებების შემოტევას”, “საუკეთესოთა შორის საუკეთესო ექიმს სიყვარულით გოგონა ანაფილაქსიით ლატექსზე”, – წერს პაციენტი.