“ნეტა დედაჩემივით არ მოვიქცეოდე, მე-8 კლასამდე ძალით რომ ამღერებდა ჩემს დას ნათესავების ქორწილებში“
ჟურნალისტი დათო ლიკლიკაძე სოციალურ ქსელში სტატუსს აქვეყნებს.
„რაც მე იმ მშობლებს დავცინოდი, ყველგან რომ ჩააკვეხებდნენ თავიანთ შვილს. ისე მრცხვენია ახლა ამის გამო, მეტი რო არ შეიძლება.
აგერ ახლა ერთმა ორგანიზაციამ მითხრა ბავშვის კადრი გვჭირდება და ეველინს ხომ არ მოიყვანთო და არ იცი როგორ ვთხოვე 10 დღე გადაედოთ გადაღება, რადგან ბავშვი ბაკურიანშია დასავენებლად. ვერ გადავდებთ სამწუხაროდო მითხრეს. ერთი გაფიქრება ისიც ვიფიქრე, ხო არ ჩავირბინო ბაკურიანში და ერთი დღით ბავშვი ჩამოვიყვანოთქო, მაგრამ ზუსტად ვიცი ჩემი მეუღლე ამას არაფრით არ დათანხმდებოდა.
მოკლედ ნუღარასოდეს დასცინებთ მშობლებს, რომლებიც აცუდრუკდებიან ხოლმე, როცა მათი შვილის სადმე გამოჩენის შანსი აქვთ. ხდება ხოლმე თურმე… ასე თავისით, სრულიად გაუაზრებლად…
P.S. ნეტა დედაჩემივით არ მოვიქცეოდე, მე-8 კლასამდე ძალით რომ ამღერებდა ჩემს დას ნათესავების ქორწილებში“- წერს დათო ლიკიკაძე.