“რთული კი არა ძალიან რთული გასაზრდელი იყავი შვილო, ცისანას ოთხ მშობიარობაზე საერთო ჯამში ალბათ 40 წელი დამაკლდა“

მომღერალი ცისანა სეფიაშვილი და მისი მამა ჯემალ სეფიაშვილი გადაცემაში „რა გვსურს ქალებს“ მამებისა და ქალიშვილების ურთიერთობაზე საუბრობენ.

ჯემალ სეფიაშვილმა ისაუბრა როგორი გასაზრდელი იყო ცისანა პატარაობისას და როგორც მამას, რა ემოციები ჰქონდა ცისანას გათხოვებაზე და მისი მშობიარობისას.

„შენ რთული გასაზრდელი   არ იყავი შვილო.. შენ იყავი ძალიან რთული გასაზრდელი. მაგრამ, რაც მთავარია, მე ყოველთვის ძალიან მიყვარხარ.

ქალიშვილის მამობა ძალიან საინტერესოა. მამობა იყოფა ორად, გათხოვებამდე და გათხოვების შემდეგ. გათხოვებამდე ჩვეულებრივი ამბავია მუშთაიდი, ცირკი, ტაში-ტუში..

ქალიშვილის გათხოვება და განსაკუთრებით მშობიარობა.. მე მაგალითად, ცისანას ოთხ მშობიარობაზე, საერთო ჯამში ალბათ 40 წელი დამაკლდა. ძალიან ძნელია მამისთვის ქალიშვილის მშობიარობა“,- აცხადებს ჯემალ სეფიაშვილი.