მეუღლე კორონავირუსით გარდაიცვალა, შვილმა ამის გამო ციხეში თავი მოიკლა – ცოლ-შვილის ორმოცისთვის მზადებისას ლაზო ორაგველიძეს გულმა უმტყუნა
„ლაზო მეუღლესა და შვილთან ერთად მარადისობას შეუერთდა“ – ამის შესახებ სოციალურ ქსელში მამუკა ჭყონია წერს.
guriatoday-ის ინფორმაციით, წლების მანძილზე წარმატებული ლანჩხუთელი ბიზნესმენი ლაზო ორაგველიძე რამდენიმე საათის წინ, თბილისის ერთ-ერთ საავადმყოფოში გარდაიცვალა. მას ოპერაცია ჩაუტარდა, თუმცა გარდაცვალების მიზეზი გახდა ის ფაქტი, რომ ტრაგედიებით დამძიმებულმა გულმა ვეღარ გაუძლო.
ერთი თვის წინ, ლაზო ორაგველიძემ მეუღლე – ლანჩხუთელთა უსაყვარლესი ექიმი ნანა ცინცაძე და ვაჟიშვილი – თორნიკე ორაგველიძე დაკარგა. რამდენიმე დღეში მათი ორმოცისთვისემზადებოდა.