10 დღეა, რაც თურქეთში დაბრუნდა – უახლესი ინფორმაცია სოსო ჯაჭვლიანის ჯანმრთელობის მდგომარეობაზე
პოლიტიკოსი დათო ლორთქიფანიძე, რომელიც სოსო ჯაჭვლიანის უახლოესი მეგობარია, მსახიობის ჯანმრთელობის მდგომარეობის შესახებ უახლეს ცნობებს გვაწვდის.
მისი თქმით, ჯაჭვლიანი ახალ წელს თბილისში შეხვდა, თუმცა, ჯანმრთელობის პრობლემა, იძულებული გახადა, კვლავ თურქეთში დაბრუნებულიყო.
„სოსოს მდგომარეობა 5-თვიანი მკურნალობის შემდგომ, რასაც თურქეთის კლინიკაში აწარმოებდა, შედარებით უკეთესი გახდა. ახალი წლის წინა დღეებში, თურქმა ექიმებმა საშუალება და უფლება მისცეს, რომ თბილისში წამოსულიყო. ახალ წელს აქ შეხვდა, ოჯახთან ერთად. 10 იანვრისთვის ქიმიის კიდევ ერთი გადასხმა უწევდა, იქიდან ეს მედიკამენტი წამოიღო და აქ, ერთ-ერთ კლინიკაში მივიდა.
დაახლოებით, 10 დღეა, რაც თურქეთში დაბრუნდა. ახლა იქ მკურნალობას აგრძელებს. სხვა სიახლეს ამ ეტაპზე ვერ გეტყვით“, – გვითხრა დათო ლორთქიფანიძემ.